जेठ १४ मा संविधान नवने जीवनभर विहे नगर्ने घोषणा

सल्यानका एक जना युवकले २०६८ साल जेठ १४ गते भित्र संविधान नवने आफु जीवनभर विवाह नगर्ने घोषणा गरेका छन् । बाँझकाँडा गाविस ४ उपल्लो बाँझकाँडाका १८ वर्षीय खेमबहादुर बुढाथोकीले तोकेको समयमा संविधान जारी नभए जीवन भर विहे नगर्ने घोषणा गरेका हुन् ।

दलहरुले तोकिएको मिति २०६८ साल जेठ १४ गते संविधान जारी गरुन् भनेर दवाव दिन आफूले यस्तो घोषणा गरेको बुढाथोकीले वताएका छन् । नयाँ संविधान निर्माणभन्दा सत्तालिप्सामा लागेका राजनीतिक दलहरुलाई आफ्नो यो घोषणाले नैतिक दवाव पर्ने बुढाथोकीको विश्वास छ ।

आफ्नो देशमा नयाँ संविधान तोकेकै समयमा आओस् भन्ने विचारले आफुले जीवनभर विहे नगर्ने घोषणा गरेको बुढाथोकीको भनाई छ । आफ्नो यो घोषणाले तीन दलका नेताहरुलाई नैतिक दवाव पर्ने बुढाथोकी वताउँछन् ।