आवश्यकता अनुसार कांग्रेस हतियार उठाउन तयारः खड्का

दाङ, वैशाख २४ - कांग्रेस नेता  खुमबहादुर खड्काले शान्ति र संविधानका लागि आवश्यकता अनुसार नेपाली कांग्रेस हतियार उठाउन पनि तयार रहेको बताएका छन् ।
शनिबार दाङमा आयोजित एक कार्यक्रममा बोल्दै खड्काले नेपालमा कसैले पनि कांग्रेसलाई एक्ल्याएर सर्वसत्तावाद लादन खोजे त्यो दिवासपना मात्र हुने चेतावनी दिए ।
खडकाले माओवादीले चाहे जेठ १४ अघि नै शान्ति प्रक्रिया टुंगिने दावी गरे । उनले संविधान निर्माण र शान्ति प्रक्रियालाई निष्कर्षमा पुर्याउन माओवादीसँग अध्यक्ष  प्रचण्ड  इमान्दार भए समयमै सम्पन्न गर्न सकिने बताए ।
खडकाले जेठ १४ गते सम्म संविधान निर्माणको खाँका आए केही महिनाको लागि संविधानसभाको म्याद थप्न सकिने समेत उल्लेख गरे ।